Home / දෙයියෝ සාක්කි / අප්‍රේල් මෝඩයකුගේ ඇමතුමෙන් කතක් විලාප දී ජංජාලයක්

අප්‍රේල් මෝඩයකුගේ ඇමතුමෙන් කතක් විලාප දී ජංජාලයක්

2018-04-02 10:43:00       558
feature-top
අප්‍රේල් පළමුවැනිදා හෙවත් මෝඩයින්ගේ දිනය ලෙස නම් කෙරුණු ඊයේ (1) දිනයේ උදේ රැයින්ම දොම්පේ ප්‍රදේශවාසියකු එම ප්‍රදේශයේම වෙසෙන තම පුංචි අම්මා කෙනකුට දුරකතන ඇමතුමක් දෙමින් ලොකු අම්මා දැන් ඇම්බියුලන්ස් එකෙන් ගෙනියනවා අපිත් මේ පස්සෙන් යනවා” යැයි දුරකතන ඇමතුමක් දීමෙන් ඇමතුම ලැබුණු තැනැත්තිය එකවර විලාප දෙමින් කෑ ගැසීම නිසා අසල්වැසියන් පවා මහත් කලබලයට පත්වී දුව ආ සිද්ධියක් වාර්තා වේ.

මෙසේ විළාප දී ඇත්තේ ගිලන්රියෙන් ගෙන ගියැයි කී නැත්දණියගේ බාල සොහොයුරියය.

මවගේ විළාපයෙන් කලබල වූ පුතා වහ වහා අල්මාරිය ඇර ඇයගේ බෙහෙත් පෙති හා ඇඳුම් පැළඳුම් සොයා ඇත්තේ ඇය හදිසියේ රෝහල්ගත කිරීමට වේයැයි සිතාය.

කෙසේ වෙතත් පසුව වඩාත් විපරම්කර බැලීමේදී ‘අද අප්‍රේල් පළමුවැනිදානේ අපි රැවටුනා නේද අම්මේ” කියා පුතා ඇතුළු පවුලේ පිරිසත් අසල්වාසීනුත් අස්වැසිල්ලට පත්ව ඇත.

මෙම දුරකතන ඇමතුම දී ඇත්තේ පුරාණයේ මෝඩයන්ට ප්‍රසිද්ධව තිබුණු දොම්පේ ඇළකට නුදුරු ගමක අපේ්්‍රල් මෝඩයෙකැයි පසුව දැන ගන්නට ලැබිණි.

ඔහුගේ නිවෙස ළඟම නිවෙසක වෙසෙන තවත් අප්‍රේල් මෝඩයකු අගනුවරට නුදුරු ප්‍රදේශයක වෙසෙන තම ලොකු පියාට දුරකථන ඇමතුමක් දී ලොකු අම්මා පපුවේ අමාරුවක් සැදී ගම්පහ රෝහලට ඇතුළු කළ බව කියා ඇති අතර එය එතරම් දුරදිග ගොස් නැත්තේ පසුව තම සොහොයුරියකට කතාකර සිය අප්‍රේල් පළමුවැනිදා බොරුවක් බව දැනගත් නිසාය.

උපුටා ගැනීම ලංකාදීප පුවත්පත ඇසුරෙනි

More News »