Home / දෙයියෝ සාක්කි / මස් බැදල කාලා රස්සාවටත් තට්ටු වෙලා

මස් බැදල කාලා රස්සාවටත් තට්ටු වෙලා

2018-03-29 10:29:00       592
feature-top
එය කොළඹට නුදුරු නිර්මාංශ හෝටලයකි. එහි සේවකයින් දිනක් තම සේවක මිතුරෙකුගේ උපන් දිනය සැමරීමට කටයුතු කළේ හෝටලය වසා කළමනාකරු පිටව ගිය පසුය. සේවකයින් දෙදෙනකු පිටතට ගොස් මත්පැන් බෝතල දෙකක්ද කුකුළු මස් සොසේජස් පැකට් කිහිපයක්ද, හෝටලයේ ආරක්ෂක නිලධාරියාට හොරෙන් කුස්සියට රැගෙන ආවේ ඉනේ ගසාගෙනය. ක්ෂණිකව සොසේජස් බැද හිස් පැකට්ටු කුණු බඳුනට දැමූ ඔවුහු මත්පැන් පානයට පටන් ගත්හ. මේ කිසිවක් නොදත් ආරක්ෂක නිලධාරියා හෝටලයේ ඉදිරිපසට වී රාජකාරියේ නිරත විය. එක් සේවකයකුට හොරෙන් සාදය පැවැත්වීමට උරණ වූ එම සේවකයා කාටත් හොරෙන් තම ජංගම දුරකතනයෙන් කළමනාකරුට මේ බව දැන්වීය. උදෑසනම පැමිණි කළමනාකරු කුණු බඳුන පරීක්ෂා කිරීමේදී හිස් සොසේජස් පැකට්ටු දැකගත හැකි විය. සාදයට මුල්වූ සේවකයින් දෙදෙනකු සේවයෙන් පහකෙරුණු අතර ආරක්ෂක නිලධාරියාගේද දින දෙකක වැටුප කපා හැර ඇත.

උපුටා ගැනීම ලංකාදීප පුවත්පත ඇසුරෙනි

More News »