Home / දෙයියෝ සාක්කි / කොණ්ඩෙ කපලා මගුලත් එපාවෙලා

කොණ්ඩෙ කපලා මගුලත් එපාවෙලා

2018-03-05 10:32:00       559
feature-top
විදේශ රටක සේවය කොට විවාහය සඳහා සිය රට පැමිණි තරුණියකට තම දිගු වරලස හදිසියේ අහිමිවීම නිසා විවාහය දෙදරා ගිය පුවතක් කන්ද උඩරටට නුදුරු ගම්මානකින් වාර්තා විය.

මැදපෙරදිග ගෘහ සේවිකාවක ලෙස වසර තුනක් පමණ සේවය කළ ඇය හරිහම්බ කරගත් දෑ සමගින් සිය රට පැමිණියේ තම වැඩිමහල් සොයුරිය විසින් යෝජනාවක් අනුව කතිකා කර ගත් තරුණයකු සමග ඉක්මන් විවාහයක් කර ගැනීම සඳහාය.

තම අනාගත සිහින කුමාරයාගේ ඥාතීන් තමන්ව බැලීමට ඊට ආසන්න දිනයක තම වැඩිමහල් සොයුරියගේ නිවසට පැමිණීමට නියමිතව තිබූ නිසා ඇය ද ඊට සූදානම්ව ඇගේ සොයුරියගේ නිවසට පැමිණියේ දහසකුත් එකක් ප්‍රාර්ථනා මධ්‍යයේය.

එසේ පැමිණි ඇය තම සොයුරියගේ සිඟිති දියණියන් දෙදෙනා සමග නිවසේ වූ ඇඳක කෙළිදෙලෙන් සිටියදී ඇයටද  හොරා ඇයට නින්ද ගොස් ඇත්තේ මේ දිනවල පවතින වියළි කාලගුණයද සමගින් වූ තෙහෙට්ටුව ද නිසාය.

ඇගේ නින්දයාම නිසා පාළුවක් දැනී ඇති සිඟිති දියණියන් දෙදෙනා එම පාළුව අකාමකා දැමීමට නිවසේ වූ පනාවක් හා කතුරක් ගෙන ඇඳ මතම පුංචි පහේ සැලුන් එකක් දමා ඇත්තේ ඇගේ දිගු වරලස කීතු කීතුවලට කපා දමමිනි.

පසුව ටික වේලාවකින් අවදිව බලන විට තමන්ගේ වරලසට සිදුවී ඇති දෙය දැක ලැජ්ජාවට පත්වූ ඇය විවාහය පසෙක දමා මේ වන විට නිවසින් හෝ එළියට ඒමට නොහැකිව සිටින බව වැඩිදුරටත් වාර්තා වේ.

උපුටා ගැනීම ලංකාදීප පුවත්පත ඇසුරෙනි

More News »