Home / දෙයියෝ සාක්කි / ඇමක් කාලා පොලිස් කූඩුවෙත් ලගින්න වෙලා

ඇමක් කාලා පොලිස් කූඩුවෙත් ලගින්න වෙලා

2018-01-26 10:35:00       364
feature-top
පොලිස් කොස්තාපල්වරයෙකුගේ නිවස බිඳ රත්තරන් වළලු යැයි රැවටී ඉමිටේෂන් වර්ගයේ වළලු දෙකක් හොරකම් කොට පොලීසියට හසු වීමේ පුවතක් තඹුත්තේගම පොලීසියෙන් වාර්තා විය.

මෙම සැකකරු කොස්තාපල්වරයාගේ නිවසට ගිය අවස්ථාවකදී මේසය මත මෙම වළලු දෙක නිතරම පවතින බව දැක තිබේ. අනුන්ගේ දේට නිතරම කෑදරකමක් දක්වන මෙම පුද්ගලයා මෙම වළලු රත්තරන් යැයි සිතා තිබේ.

නිවැසියන් පසුගිය දිනක අනුරාධපුරයේ පැවති උත්සවයක් සඳහා නිවසින් පිටවී ගිය අවස්ථාවකදී ඒ පිළිබඳ විමසිල්ලෙන් සිටි සැකකරු සවස 5.45 ත් රාත්‍රී 12.00 අතර කාලයේ නිවස බිඳ ගෙට ඇතුළු වී මෙම සොරකම සිදුකර තිබේ.

ඉමිටේෂන් වළලු දෙක නිතරම පෙනෙන්නට තැබුවේ උපක්‍රමයක් නිසා වන්නට ඇතැයි පොලීසිය විශ්වාස කරයි.

තඹුත්තේගම පොලිස් අපරාධ අංශයේ ස්ථානාධිපති පොලිස් පරීක්ෂක දිසානායක මහතාගේ උපදෙස්මත එම අංශයේ නිලධාරීන් විසින් අත්අඩංගුවට ගෙන ඇති අතර පොලිස් සැරයන් සරත් (29477) මහතා සැකකරු අධිකරණයට ඉදිරිපත් කළේය.

උපුටා ගැනීම ලංකාදීප පුවත්පත ඇසුරෙනි

More News »