Home / දෙයියෝ සාක්කි / ප්‍රේමය උතුරා ගිහින් පෙම්වතා ළිදේ

ප්‍රේමය උතුරා ගිහින් පෙම්වතා ළිදේ

2017-10-19 10:52:00       53
feature-top
ළිං බැම්ම උඩ ඉඳගෙන බොහෝ වේලාවක් තම පෙම්වතිය සමඟ දුරකතන සංවාදයේ යෙදී සිට සංවාදය අවසානයේ යන්න සූදානම් වීමේදී ළිඳට වැටුණු තරුණයෙකු පිළිබඳව පුවතක් හේවාහැට ප‍්‍රදේශයෙන් වාර්තා වේ.

ළිං බැම්මේ දෙපැත්තට කකුල් දෙක දමාගෙන තම පෙම්වතිය සමඟ බොහෝ වේලාවක් අල්ලාප සල්ලාපයේ යෙදී ඇති අතර එතරම් ගැඹුරු නොවන ළිඳක් වන මෙහි ජලය ද මදක් පිරී තිබී ඇත. තම වත්ත පාමුල පිහිටි ළිඳ ළඟට පැමිණ දුරකතන සංවාදයේ යෙදීම ඔහුගේ පුරුද්දක් වී ඇත.

දුරකතන සංවාදය අවසන් වී තම පෙම්වතියට බායි පැටියෝ කියා දුරකතනය විසන්ධි කොට අමතක වීමෙන් ළිං බැම්මෙන් පිටත තිබූ කකුල එක්වරම ඇතුළු පැත්තට ගෙන යන්න සූදානම් වෙනවාත් සමඟ ළිඳ තුළට වැටී හොඳටම තෙමී ඇත.

ඒ සමඟ දුරකතනය ද ළිඳට වැටී ඇති අතර එය අක‍්‍රිය වීම නිසා දින කිහිපයක් පෙම්වතිය සමඟ කතා කරගැනීමටද නොහැකි විය.



උපුටා ගැනීම ලංකාදීප පුවත්පත ඇසුරෙනි

More News »