Home / දෙයියෝ සාක්කි / සාදය නිමවී කනත්තක රැය පහන්කර යතුරු පැදියත් දමා ගෙදර ඇවිත්

සාදය නිමවී කනත්තක රැය පහන්කර යතුරු පැදියත් දමා ගෙදර ඇවිත්

2017-08-17 09:41:00       30
feature-top
සාදයක් සඳහා ගිය ග‍්‍රාම නිලධාරියකු යහළුවන් සමඟ මධුවිත පානය කරද්දී රාත‍්‍රී 11 ද පසුවී තිබුණි. මොහු බමන මතින් තම යතුරුපැදියෙන් නිවස බලා යාමට පිටත්වී තිබෙන අතර එහිදී ඔහුට නිවස සොයා ගැනීමට නොහැකිවී කනත්තකට ගොස් ඇත.

මංමුළා වූ ඔහු අලූයම 5 ට පමණ පියවි සිහියෙන් අගුරුවැල්ල ප‍්‍රදේශයේ තම නිවසට ගොස් ඇති අතර තම යතුරුපැදිය නැතිවීම පිළිබඳව රුවන්වැල්ල පොලිසියේ පැමිණිල්ලක්ද දමා ඇත.

මේ අතර කනත්ත ප‍්‍රදේශයේ පුද්ගලයකු විසින් එදින දහවල් හිමිකරුවකු නොමැති යතුරුපැදියක් කනත්තේ තිබීම පිළිබඳව රුවන්වැල්ල පොලිස් ස්ථානයට දැනුම්දී ඇත.

එහිදී ග‍්‍රාම නිලධාරිවරයා නැති වූ බව පැමිණිල්ලේ සඳහන් යතුරුපැදියේ අංකය හා කනත්තේ දමා ඇති යතුරුපැදියේ අංකය හා සැසඳීමේදී එකම අංකය බව තහවුරු වී තිබෙයි.

ඒ අනුව අදාළ යතුරුපැදිය ග‍්‍රාම නිලධාරිවරයාට ලබාදීමට කටයුතු කර ඇති අතර පෙර දින රාත‍්‍රියේ සිදුවී ඇති සියල්ල වටහා ගැනීමට සියලූ දෙනාටම අපහසුවක් නොවීය.



Wmqgd .ekSu ,xldoSm mqj;am; weiqfrks

More News »