Home / දෙයියෝ සාක්කි / බල්ලන් කියා මුට්ටි ගොඩකට පොල්ලෙන් ගහලා


බල්ලන් කියා මුට්ටි ගොඩකට පොල්ලෙන් ගහලා


2017-04-24 10:47:00       674
feature-top
මධුවිතට ලොල්වීම හේතුවෙන් බිරිය හා දරුවන් මොහුට හැමදාමත් දැක්වූයේ අයහපත් වූ ප්‍රතිචාරයන්ය. ඉකුත් සිංහල අලුත් අවුරුදු සමයේ ද මධුවිතෙන් මොහු රිසි සේ සප්පායම් වූයේ නිවැසියන්ගෙන් ඒ සඳහා තිබූ තහංචි තරමක් හෝ දුරට ලිහිල්ව තිබූ බැවිනි.

එදිනෙදා කුලියක් මලියක් කර ඉතා අමාරුවෙන් පවුල නඩත්තු කළ මෙම තැනැත්තා ජීවත්වූයේ දුමින් බර පහත් වූ කඳුකරයේ ගමකය.

වෙරි මතින් හෙම්බත් වූ මොහු පසුගිය දිනයන්හි නිවෙසට ආවේ මහ රෑ ජාමයේය. ඒ එන ගමන අතරතුර හමුවන බල්ලන්ගෙන් මොහුට අකරතැබ්බයන්ට මුහුණදීමට සිදු වූ වාර ගණන අපමණය. බල්ලන්ගෙන් බේරීම සඳහා හෙතෙම මුගුරක් අතට ගත්තේ බුරමින් සපා කන්නට එන බල්ලන්ට පහර දෙන්නටය.

පොල්ලෙන් පහර දුන් බල්ලන්ට පහර නොවැදුනත් බල්ලන්ගෙන් බේරී නිවෙසට පැමිණීමට ඔහුට පොල්ල මහෝපකාරී විය. බල්ලන්ගෙන් මිස වෙනත් කිසිවකුගෙන් කරදරයක් නොමැති බව වැටහී ගිය මොහු බල්ලන්ට බැන වදිමින් ගමන් කළ අතර බල්ලන්ගේ රුව පමණක් සිය යටි සිතෙහි තැන්පත් වූ සෙයක් දැනෙන්නට විය.

පිටුපස දොරින් නිවෙසට ඇතුළුවන්නට සිතා ගත් මොහුට දක්නට ලැබුණේ කලුවරේ බලු රංචුවක් නිවෙස පිටුපස මිදුලේ ගුලි ගැහී සිටින අයුරුය. වැරයොදා ඔහු පොල්ලෙන් පහරදුන් අතර එසේ පහර දී තිබුණේ අලුත් අවුරුදු කාලයේ නිවසේ ආහාර පිසීම සඳහා පාවිච්චියට ගත් මැටි මුට්ටිවලටය. මුට්ටිවලට පහර දීමෙන් නැගුණු හඬ නිවසේ අයට පමණක් නොව අසල්වැසියන්ටද ඇසුණේ නිහඬතාව බිඳිමිනි.

Wmqgd .ekSu ,xldoSm mqj;am; weiqfrks

More News »