Home / දෙයියෝ සාක්කි / අම්මලා රවටන්න ගිහින් රෝහලේ නවතින්න වෙලා

අම්මලා රවටන්න ගිහින් රෝහලේ නවතින්න වෙලා

2017-03-30 11:41:00       674
feature-top
මව්පියන්ගේ බලකිරීම මත  මනාලියක් බැලීමට යාම වැළැක්වීම සඳහා බොරු ලෙඩක් මවා පා රෝහල් ගතවූ තරුණයකුට සිදුවූ අකරතැබ්බයකි මේ.

සිද්ධිය මෙසේය

ඔහු පෙම්කළ යුවතියක් සිටියද ඇයට ගෙදරින් කැමැත්ත ලැබී නැත. ඔහුගේ  මව්පියන් මෙම පේ‍්‍රමය නැවැත්වීම සඳහා විවාහ යෝජනාවක් ගෙනවිත් තිබේ. මනාලිය බැලීමට යාම ඔහු ප‍්‍රතික්ෂේප කළත් මව්පියන්ගේ බල කිරීම නිසා ඔහුට එම ගමන නතර කිරීමට නොහැකිව ඇත.

මෙයින් ගැලවීම සඳහා ඔහු මනාලිය බැලීමට යාමට කලින් දිනයේ බොරු බඬේ අමාරුවක් මවා පා දැඩි අමාරුවක් පෙන්වීම නිසා ඔහුගේ මව්පියන් ඔහු රෝහල් ගත කර තිබේ.

රෝහල් ගත කළ පසු ඔහු නොසිතූ පරිදි එන්නත් සහ සේලයින් ලබාදීමට රෝහල කටයුතු කර තිබේ. මහත් අපහසුතාවයෙන් සිටි ඔහු රාත‍්‍රි කාලයේ මුත‍්‍රා බර සෑදී වටපිට බලා සේලයින් බෝතලයද සමඟ වැසිකිළියට ගිය අතර බෝතලය පහත් වීම නිසා බටය දිගේ ඉහළට ලේ ගමන් කිරීමට පටන් ගෙන තිබේ.

කලබල වූ ඔහු සේලයින් බෝතලයද රැුගෙන ඇඳ වෙත පැමිණ බෝතලය ඉහළට ඔසවා සේලයින් ලබා දෙන බටයේ ඇති අඩු වැඩි කරන කරාමය වැඩිකර තිබේ. ටික වේලාවක් ගත වෙද්දී සේලයින් බෝතලය අවසන් වී ඇති අතර මෙය දුටු හෙදියක් නැවත අලූත් සේලයින් බෝතලයක් සවි කර තිබේ.

පසුවදා උදෑසන රෝගීන් පරීක්‍ෂා කර බැලීමේදී බඬේ අමාරුව සෑදුනු අසාධ්‍ය ලෙඩා අතුරුදන් වී ඇත. ඔහු පිළිබඳ සොයා බලද්දී කාන්තා වාට්ටුවක සිටි පිරිසක් පවසා ඇත්තේ මුහුණ පුරා සුදු රෙද්දකින් වසාගෙන සේලයින් බෝතලයක් අතින්ගත් අවතාරයක් දිව යනු තමන් දුටු බවයි.



Wmqgd .ekSu ,xldoSm mqj;am; weiqfrks

More News »