Home / දෙයියෝ සාක්කි / නෑකමත් නැතිවන තේ කෝප්පයක්

නෑකමත් නැතිවන තේ කෝප්පයක්

2017-02-18 10:00:00       673
feature-top
සියනෑවේ නෑ පිරිසක් තන්තිරිමලේ නෑගෙදරකට නෑගම් ගියේ හදිසියේය. නෑ පිරිස නිවෙසට පැමිණි විට ගෙදර හිමිකාරියට හොඳටම වැඩ වැඩි විය. තේ සෑදීම, ආහාර පිළියෙළ කිරීම ඇතුළු තව බොහෝ දේ ඇයට පැවරුණි.

ඒ අතරේ වැව්මාළු වෙළෙන්දාද පැමිණියෙන් ඇයට මාළු මිලදී ගන්නටද සිදුවිය. අක්කලා ආ එක නම් හරිම හොඳයි. ඒ වුණාට මහත්තය අනුරාධපුරේ ගිහිල්ලා. එයා තව ටිකකින් ඒවි. මම තල අලුවත් හදල තිබ්බා. ඒවා දැනට රස බලන්නකො. අනේ නෑනො වතුර කේතලේ ළිපේ තේ ටික හදන්නකො ගෘහනිය නෑගම් ගිය නෑනාටද වැඩක් පැවරුවාය. නංගි තියෙන වැඩක් කරගන්න මම තේ හදන්නම් නෑනාද වැඬේ බාර ගත්තාය. නෑයෝ තල අලුවා කෑහ. තල අලුවා රසම රසයි පිරිස තල අලුවා දෙක තුන කද්දී සියනෑවෙන් ගිය නෑනා තේ හදාගෙන ආවාය. කට්ටියටම තේ පිරිනැමුණි. සීනි වැඩිය දැම්මෙ නෑ. අළුව කාපු නිසා ඇය කීවාය. නෑ ගමන ගිය වාහනයේ රියැදුරු චූටි නම් විය. මුලින්ම තේ බීවේ ඔහුය. තේවල සීනි දාලා නම් නෑ. ලුණු දාලා වගේ ඔහු කට ඇඹරුවේය. අනෙක් අයද තේ බොන්නට ගෙන කටවල් ඇදකර ගත්තේ ලුණු රසය ඉසිලිය නොහැකි නිසාය. දැන් ලොකු කලබලයකි. නෑනා සීනි දාලාද තේ හැදුවේ ගෘහනිය ඇසුවාය. ඔව් අර රතු බෝතලේ සීනි දැම්මෙ. අනේ නෑනො ඒකෙ තිබුණෙ ලුණු කුඩුනෙ සුදු බෝතලේනෙ සීනි තිබ්බෙ. නෑනලා වරද නිවරද කළාට ලුණු දැමූ තේ බිව්වෝ දැඩි අපහසුතාවට පත්වූහ.


More News »