Home / දෙයියෝ සාක්කි / පොලියට ගත් සල්ලි හිඳෙනකම්ම පොලී මුදලාලිත් එක්ක බීලා

පොලියට ගත් සල්ලි හිඳෙනකම්ම පොලී මුදලාලිත් එක්ක බීලා

2016-12-29 10:27:00       674
feature-top
පොලී මුදලාලිගෙන් පොලියට ගත් රුපියල් පන් දාහම ඉවරවෙන තුරු පොලී මුදලාලිත් සමග අරක්කු බීමේ සිද්ධියක් තලාතුඔය ප්‍රදේශයෙන් වාර්තාවේ.
තලාතුඔය ප්‍රදේශයේ පුද්ගලයකු දන්නා හඳුනන අයට පොලියට මුදල් දීම කාලයක් තිස්සේ කරගෙන යයි. ඔහු දන්නා පුද්ගලයකු පසුගිය දිනක ඔහුගෙන් රුපියල් පන්දහසක් පොලියට ඉල්ලා ඇත. පොලිය සියයට දහයක් වන අතර ණය මුදල දීමේදී අදාළ පොලී මුදල අඩු කරගෙන ණය දීම සිදු කරන අතර ඒ අනුව ඔහුට ලැබුණේ රුපියල් හාරදහස් පන්සියයකි.

දෙදෙනාගේම සේවා ස්ථාන එක ළඟ පිහිටි අතර තැබෑරුමද වැඩි ඈතක නොවේ. දෙදෙනාම මතට ඇබ්බහි වී ඇති බැවින් ණය මුදල ලබාගත් පුද්ගලයා පොලී මුදලාලිද කැටුව කෙළින්ම ගොස් ඇත්තේ තැබෑරුමටය.

සියලු මුදල් ඉවරවෙන තුරු දෙදෙනාම අරක්කු බී ඇති අතර පොලියට මුදල් ගත් පුද්ගලයා විවාහකයෙක් ද වෙයි.

නිවෙසට ගිය පසු සිද්ධිය දැනගත් පියා මොහුට පහර කිහිපයක් ද ගසා ඇති අතර මේ බව පැමිණිලි කිරීමට තලාතුඔය පොලිසියට පැමිණ ඇත.

එහිදී බිරිය පවසා ඇත්තේ මොහු දරුණු ලෙස අරක්කු බීමට ඇබ්බැහි වී ඇති බවත් පසුගිය මාසයේ හිස් අරක්කු බෝතල් තුන්සීයයක් පමණ තමා විකිණූ බවත්ය.


Wmqgd .ekSu Ys% ,xld ñr¾ fjí wvúh weiqfrks

More News »