Home / දෙයියෝ සාක්කි / බස් පොළේදී අපූරු හීනයක් දැකලා

බස් පොළේදී අපූරු හීනයක් දැකලා

2016-12-08 09:29:00       678
feature-top
පදමට ගසා බස් නැවතුම්පළක ඇලවි හිනයක් දකිමින් සිටි පුද්ගලයෙකු සිටි හැටියේම මහ හයියෙනි“ මම අහන්නේ එෆ්එම්.” යනුවෙන් ප්‍රසිද්ධ රේඩියෝ නාළිකාවක නමක් කියා සිටි සියලු දෙනා සිනහ ගැන්වූ පුවතක් වාර්තා විය. සිද්ධීය මෙසේය.

ඔහු ප්‍රදේශයේ එක්තරා ආයතනයක සේවය කරන්නෙකි. සේවය නිමවා පැමිණෙන මාර්ගයේ ඇති තැබෑරුමෙන් දිනපතාම පාහේ හින් අඩියක් ගැසීම ඔහුගේ පුරුද්දකි. එදින පඩි දිනය වුයෙන් නිවෙසට යාම මදක් පමා කළ හෙතෙම තැබෑරුමට ගොඩවී පදමට ගසා ඒ අසල බස් නැවතුමට ගොඩවූයේ ගමට යෑමට පැමිණෙන බස්රථය බලාපොරොත්තුවෙනි. බස් නැවැතුමට ගොඩවූ හෙතෙම මදක් එහි ඇල වුයේ බසය පැමිණෙන තුරුය.

කිසියම් අවශ්‍යතාවක් සඳහා ඒ අසලින් තුන්රෝද රථයක නැගී ගමන් කරමින් සිටි ඔහුගේ මිතුරෙකු තුන්රෝද රථය නවතා ඔහුට කතා කළේ තමා සමග නිවෙසට යාමට එන ලෙස දන්වන්නටය. බස් නැවැතුමේ ඇලවි සිටි මිතුරාට නින්ද ගොස් ඇති බව තේරුම් ගත් හෙතෙම ඔහු ළඟටම ගොස් ඇඟට ඇත තබා නම කියමින් ඔහුට කතා කළේ මිතුරුදම ඒ තරමටම බලවත් නිසාය.

එක් වරම ඉද්ද ගැසුවාක් මෙන් නැගී සිටි හෙතෙම මහ හඩින් “ මම අහන්නේ එෆ් එම්” යැයි කියමින් සිය මිතුරා දෙස බලා බිම් බලා ගත්තේ සිදුවූ වැරැද්ද ඒ මොහොතේම සිහිපත් වු නිසාය. කෙසේ වෙතත් අතරමගදි ඔහු මිතුරාට කියා ඇත්තේ “ මචං මම අහවල් එෆ්.එම්.නාළිකාවෙන් නම අහල සල්ලි දෙන සීන් එකක් දැක්කා. මම හිටියේ ඒ සීන් එකේ යනුවෙනි.


Wmqgd .ekSu Ys% ,xld ñr¾ fjí wvúh weiqfrks

More News »