Home / දෙයියෝ සාක්කි / පොලිස් කනෙන් රිංගා කත ගංජා කට්ටය ගිලලා

පොලිස් කනෙන් රිංගා කත ගංජා කට්ටය ගිලලා

2016-11-23 09:14:00       672
feature-top
පොලිස් නිලධාරියෙකු ඉදිරිපිටදීම තම අතේ තිබූ ගංජා කට්ටයක් කටේ දමා සපා කා ගිල දැමූ කාන්තාවක් පිළිබඳ පුවතක් කන්දකැටිය පොලීසියෙන් ලංකාදීපයට වාර්තාවේ. සිද්ධිය මෙසේය පසුගිය දිනෙක කන්දකැටිය පොලිසියට තොරතුරක් ලැබුණේය.

ඒ තම බල ප්‍රදේශයේ ගමක ගංජා අලවියේ යෙදෙන කාන්තාවක් ගැනය. ලද තොරතුරු ඔස්සේ පොලිස් සැරයන්වරයකු ඇය සොයා ගියේ ඒ පිළිබඳව විමර්ශනය කරන්නටය. පොලිස් නිලධාරියා තමා දෙසට එනු දුටු කාන්තාව තමන් කරමින් සිටි කාර්යය පසෙක තබා පස්සෙන් පස්සට ගියේ පොලිස් නිලධාරියාටද ඇනුම් පදයක් කියමිනි.

අත්දැකීම් සහිත පොලිස් නිලධාරියාගේ උකුසු ඇස යොමු වූයේ කාන්තාව ගුළි කරගෙන සිටි අත දෙසටය. “මොනවද ඔය අතේ කෝ බලන්න” පොලිස් නිලධාරියා කාන්තාවගෙන් විමසුවේ සැක හැර දැනගන්නටය. පස්සෙන් පස්සට යන අතරතුර “මොනවත් නැහැ” යැයි පැවැසූ කාන්තාව එක්වරම පොලිස් නිලධාරියා ඉදිරිපිටදීම තම අතේ තිබූ ගංජා කට්ටය එය දැවටූ කඩදාසියද සමග කටේ දමාගෙන සපා කා ගිල දැම්මේ පොලිස් නිලධාරියාද අන්දමන්ද කරමිනි.


Wmqgd .ekSu ,xldoSm mqj;am; weiqfrks

More News »