Home / දෙයියෝ සාක්කි / තාත්තා කළ වැඩෙන් ගණන් හදන්න ගිය දුවට තරු පෙනිලා

තාත්තා කළ වැඩෙන් ගණන් හදන්න ගිය දුවට තරු පෙනිලා

2016-11-03 11:02:00       674
feature-top
අලුතින් හටගත් කිතුල් මලක් බෙහෙත් තැබීම සඳහා සිය පියා විසින් තම කවකටු පෙට්ටියේ තිබූ කවකටුව හා බෙදුම් කටුව රැගෙන යාම නිසා පාසලේ ගණිත පාඩමට හරිහැටි මුහුණ දීමට අසමත්වූ පාසල් දැරියක් පිළිබඳ පුවතක් ලංකාදීපයට වාර්තා විය.


සිද්ධිය මෙසේය.


ඇය ගම්බද පාසලක එකොළොස්වන පන්තියේ අධ්‍යාපනය ලබන දැරියකි.


මෙවර අපොස සාමාන්‍ය පෙළ විභාගය සඳහා ඉදිරිපත්වීමට නියමිත බැවින් ඇය පාසල් ගොස් සිය අධ්‍යාපන කටයුතු කරගෙන ගියේ දැඩි උනන්දුවකිනි.
ගණිත විෂය බාර ගුරුතුමාගේ මග පෙන්වීම මත පසුදින නියමිතව තිබු ජ්‍යාමිතික ගණිත පාඩමට අවශ්‍ය කවකටු බෙදුම් කටු ඇතුළු ජ්‍යාමිතික උපකරණ කට්ටලය ද ඇය පිළියෙල කොට පොත් බෑගයට දැමුවේ එම පාඩම කෙරෙහි තිබූ දැඩි උනන්දුව නිසාමය.


නියමිත දිනයේ උදෑසනින්ම පාසල කරා ගිය ඇය ගණිත විෂය බාර ගුරුවරයා පන්තිය වෙත පැමිණීමත් සමගම සිය ජ්‍යාමිතික උපකරණ කට්ටලය පොත් බෑගයෙන් එළියට ගත්තේ පාඩමටද සාවධානව ඇහුම් කන්දෙමිනි.


කෙසේ වෙතත් තමන් රැගෙන ආ උපකරණ කට්ටලයේ කවකටුව හා බෙදුම් කටුව නැති බව දුටු ඇයට තරු විසි වුණේ පාඩම හරි හැටි කර ගන්නට සිදුවන අපහසුතාව සිහිපත් වෙද්දීය.


මිතුරියගේ පිහිටෙන් කෙසේ හෝ පාඩම ගොඩදමාගත් ඇය පාසල නිමවා නිවසට ගියේ කවකටුවටත් බෙදුම් කටුවටත් සිදුවූයේ කුමක්දැයි සිහි කරමිනි.
නිවසට ගිය ඇය පොත්පත් පෙරළමින් නැතිවූ කවකටුව හා බෙදුම් කටුව සොයන්නට වූ අතර ඉවෙන් මෙන් එය දැනගත් ඇගේ පියා පවසා ඇත්තේ ‘අනේ කෙල්ලේ මම අලුත් කිතුලත් බෙහෙත් තියන්න උඹේ පොත් මල්ලේ තිබූ අර ඇලිස් කටු දෙක ගත්තා, ඒක වැඬේට මරුවට ගැළපුනා’ යනුවෙනි.
සවස් යාමයේ පොත් මල්ලෙන් අතුරුදන් වූ කවකටුව හා බෙදුම් කටුව ඇයට ලැබුණද කිතුල්මලට ඇනීම නිසා එහි බෙහෙවින්ම කහට තැවරී තිබිණි. 


Wmqgd .ekSu u��u mqj;am; weiqfrks

More News »