Home / දෙයියෝ සාක්කි / පෙම්වතිය පාන් ඉල්ලලා

පෙම්වතිය පාන් ඉල්ලලා

2016-09-09 10:21:00       672
feature-top
ජංගම දුරකතනයෙන් හඳුනාගත් පෙම්වතිය හමුවීමට ගිය තරුණයකු පෙම්වතිය හමු වූ පළමු දිනයේ ම පෙම වැව් තාවුල්ලේ තබා පණ බේරාගෙන පැමිධෑමේ පුවතක් සීගිරිය ප්‍රදේශයෙන් වාර්තා වෙයි.

සිද්ධිය මෙසේය පෙම්වතා සංචාරක හෝටලයක සේවකයෙකි. ගම කැකිරාවේය. පසුගිය දින ඔහුගේ ජංගම දුරකතනයට ඇමතුමක් ලැබිණි. එය වැරදීමකිනි. වැරදීමක් වුවත් එම දුරකතන ඇමැතුම ලබා දුන් තරුණියකැයි සිතිය හැකි කාන්තාව සමග ඇයි හොඳැයි කමක් ඇති කර ගත්තේය. කාලය මෙසේ ගෙවිණි. මිස් කෝල් එක ආදර සම්බන්ධයක් දක්වා දුරදිග ගියේය.

තරුණයා කිසිදා නොදුටු සිය පෙම්වතිය දැකීමේ ආසාවක් ඇතිවිණි. ඒ අනුව පෙම්වතා පෙම්වතියට යෝජනාවක් කළේය. අපි මුණ ගැසෙමු යනුවෙනි. තැනක් හා දිනයක් ද නියම කරගත්තේය. ඒ රජරට ප්‍රදේශයේ වැවක් අසලදීය. තරුණයාට දැන් බොහොම සතුටුය. හෝටලයේ වැඩකරන තම සගයන්ටද මේ බව කීවේය. ඒ සඳහා රැගෙන යන තෑග්ග ගැනද ඔවුන්ගේ උපදෙස් ගත්තේය. ඒ අනුව වටිනාකමක් ඇති චොකලට් එකක් ගත්තේය.

තෑග්ග හොඳින් අසුරාගත් එම තරුණයා කතාකරගත් පරිදි නියමිත දින වැව අසලට ගියේය. පෙම්වතිය ද පැමිණ සිටියාය. පෙම්වතා හමුවූ පෙම්වතිය තම අත වූ තෑග්ග පෙම්වතියට දිගු කළේය. පෙම්වතිය ද සතුටින් බාරගෙන මෙනවාදැයි විමසුවාය. පුංචි තෑග්ගක් යනුවෙන් පෙම්වතා පැවැසීය. එම තෑග්ග එම ස්ථානයේ දීම ගලවා බැලූ_ පෙම්වතිය පුදුමයට පත්විය. ඇය පෙම්වතා අමතා මෙසේ කීවාය.

බොලං අයියණ්ඩි මෙච්චර වියදම් කරල චොකලට් එකක් ගෙනාවේ ඇයි රුපියල් 65ක් දීලා පාන්ගෙඩියක් ගෙනාවා නම් වැව් බංටෙකේ ඉඳගෙන අපිට බඩ පිරෙනකම් කන්න තිබුණා යැයි කීවාය. පෙම්වතා වැඩි වේලාවක් කතා කළේ නැත. මට ඉක්මණට වැඩට යන්න තියෙනවා යැයි පවසා ඉක්මණින් මාරු වූයේ තම කුළුඳුල් ආදරය වැව් තාවුල්ලේ තබාය.


More News »