Home / දෙයියෝ සාක්කි / අවු. 22 පෙම්වතා 15 පෙම්වතිය රැගෙනගොස් මවට බාරදීලා

අවු. 22 පෙම්වතා 15 පෙම්වතිය රැගෙනගොස් මවට බාරදීලා

2016-06-06 11:05:00       727
feature-top
තම ප්‍රේම සම්බන්ධයට මාපියන්ගෙන් සිදුවන බැණවැදීම් ඉවසා ගැනීමට නොහැකි වූ බාලවයස්කාර තරුණියක් ඒ බව තම පෙම්වතාට පැවැසීමෙන් පසුව පෙම්වතිය රැගෙන ගොස් තම මවට භාරදුන් පෙම්වතකු පිළිබඳ පුවතක් කොට්ටාව පොලිසියෙන් වාර්තා විය.

පෙම්වතිය අවුරුදු පහළොවක සිසුවියක් වන අතර පෙම්වතා අවුරුදු විසි දෙකක තරුණයෙකි.

පාසල් වයසේ පසුවන තම දියණිය පවත්වාගෙන යන ආදර සම්බන්ධයට මාපියන් නිතර නිතර විරුද්ධත්වය පළකර ඇත. පසුගිය දිනක දියණියගේ මව ඉතා තදින් ඊට විරුද්ධ වී බැණවැදී ඇත. මේ බව පෙම්වතාට පැවසීමෙන් පසුව පෙම්වතා අපූරු පිළියමක් යෙදුවේය.

පෙම්වතියට තමා හමුවීමට එන්නැයි ආරාධනා කොට, චාරිත්‍ර වාරිත්‍ර අමතක කොට පෙම්වතිය තම නිවසට කැඳවාගෙන ගොස් තතු පවසා තම මවට භාර දී ඇත.

ඉන්පසුව මේ බව දියණියගේ පාර්ශ්වයෙන් පොලිසියට පැමිණිල්ලක් කොට ඇත. ඒ අනුව දෙපාර්ශ්වයම පොලිසියට කැඳවා පැමිණිල්ල විභාග කොට දියණිය වෛද්‍ය පරීක්ෂණයකට භාජනය කොට ලද වාර්තාව අනුව දැරියට කිසිදු අනතුරක් නොවූ බව පැවසීමෙන් පසුව දැරිය ඇගේ මවට භාර දී නීතියට අනුව ගැටලුව විසඳූ බව සඳහන්ය.



Wmqgd .ekSu ,xldoSm mqj;am; weiqfrks

More News »