Home / දෙයියෝ සාක්කි / වතුර හොරෙන් ඇදලා දුවගේ මඟුලත් කැඩිලා

වතුර හොරෙන් ඇදලා දුවගේ මඟුලත් කැඩිලා

2015-06-23 11:33:00       678
feature-top
පානීය ජලය හොරෙන් ගැනීමක් පිළිබඳව අනාවරණය වීම නිසා යෝජිත විවාහයකට කණකොකා ඇඬීමේ පුවතක් පසුගියදා අසන්නට ලැබුනේ පස්දුන් පැත්තෙනි.


එකම කාර්යාලයක සේවය කිරීමේ හේතුවෙන් සබඳතා ගොඩනගාගත් මේ දෙදෙනාගේ කාන්තා පාර්ශවය නියෝජනය කරන පිරිසක් පිරිමි පාර්ශවයේ ගෙවල් දොරවල් බැලීමට පසුගියදා පිටත්වූහ. මේ කාන්තාවගේ පියා විශ‍්‍රාමික මාණ්ඩලික නිලධාරියෙකි.


නිවසේ සියලූ ඇවැතුම් පැවතුම් ඉහළ මට්ටමින් සිදුවූ අතර මිදුලේ ඇවිදීමට ගිය මේ නිලධාරියා දුටුවේ මිදුලේ මල්වලට වතුර ඉසීමක් සිදු වුවත් වතුර මීටරය වැඩ නොකරන බවය.


මේ ගැන විමසූවිට පවුලේ අයකු කීවේ වතුර මීටරය ක‍්‍රියාත්මක නොකිරීමට ක‍්‍රමවේදයක් සකසා ඇති බවය. ඔහුගේ කපටි කතාවට නිලධාරියාගේ මුහුණ අමුතුවිය. ඔවුන් ආපසුගොස් සතියකින් දැන ගැනීමට ලැබුණේ මේ පියා විවාහයට දැඩිසේ විරුද්ධ බවය. ඔහු කලින් ජාතික ජලාපවහන මණ්ඩලයේ මාණ්ඩලික නිලධාරියකුව සිටි බවද දැන ගන්නට ලැබුණාලූ.



Wmqgd .ekSu ,xldoSm mqj;am; weiqfrks

More News »